الصُفہ اسلامک ریسرچ سینٹر لنگسگور

ادارہ کا مختصر تعارف

اس حقیقت سے کسی شخص کو انکار نہیں کہ تصنیف وتالیف اور علمی ذخیروں کو مرتب ومحفوظ رکھنا مسلمانوں کا قومی شعار ہی نہیں بلکہ مذہبی فریضہ رہا ہے، یہی وجہ ہے کہ قرونِ ماضیہ میں جس کثرت سے جا بجا تحقیقاتی ادارے، کتب خانے اور دار العلوم پائے جاتے ہیں شاید ہی دنیا کے دیگر ادیان ومذاہب کی تاریخ میں اسکی کوئی نظیر مل سکے! چنانچہ اسی امر کی جانب خصوصی توجہ دلاتے ہوئے حکیم الامت حضرت اقدس مولانا اشرف علی تھانوی نوراللہ مرقدہ بیان فرمایا " علمی تحقیق اور تصنیف وتالیف کا کام بہت اہم کام ہے " وجہ بھی بیان فرمائی کہ یہ اعمال متعدیہ میں سے ہے،اس لئے کہ اس سے خود کو بھی نفع ہوتا ہے اور دوسروں کو بھی،لہذا اہل علم کو چاہئے کہ وہ تعلیم وتدریس ، دعوت وتبلیغ ، تزکیہ نفوس اور خدمت خلق کے ساتھ ساتھ اسکو بھی ترجیحات میں رکھیں۔ الحمدلله اسی قومی شعار اور اسلامی روایت کو باقی رکھتے ہوئے، اکابر واسلاف کی انہی فکروں کی عملی تصویر بنتے ہوئے ( زمانے کے تقاضوں اور علاقے کی علمی ضرورتوں کی تکمیل کے پیشِ نظر) شہر لنگسگور ضلع رائچور کرناٹک میں بتاریخ : 26- شعبان المعظم 1440ھ بمطابق 2 مئی 2019ء بروز جمعرات ایک ادارہ بنام " الصفہ مرکز للبحوث الاسلامیہ " کا قیام عمل میں لایاگیا*****یہ ادارہ در اصل " صُفہ ایجوکیشنل اینڈ ویلفیئر چاریٹیبل ٹرسٹ " کے تحت رجسٹرڈ ہے*****۔